14. nóvember 2008

Surtsey 45 ára

17.11.2008
Í dag, 14. nóvember, eru liðin 45 ár frá því að skipsverjar á Ísleifi II frá Vestmannaeyjum urðu varir við neðansjávargos, 18 km suðvestur af Heimaey.
Þetta var fyrsta vitneskja manna um Surtseyjargosið en talið er líklegt að það hafi byrjað nokkrum dögum fyrr á um 130 metra sjávardýpi og á 400 m langri gossprungu. Gosið magnaðist eftir því sem á leið og daginn eftir, 15. nóvember, hafði myndast 10 metra há eyja eða samtals 140 metra hátt eldfjall ef miðað er við hæð frá hafsbotni. Surtseyjargosið varð lengsta eldgos Íslandssögunnar, en því lauk 5. júní 1967.
Á heimasíðu Sigurgeirs Jónassonar ljósmyndara má sjá myndir af eldsumbrotunum í Surtsey og meðal annars ljósmyndirnar sem teknar voru 14. nóvember 1963.
Í tilefni dagsins bauð Surtseyjarstofa starfsmönnum Þekkingarseturs Vestmannaeyja uppá afmælisköku með morgunkaffinu.
 
Afmælistertan
Frá Surtsey í sumar
Sand tanginn
Frá Surtsey í sumar
Séð til Eyja
 Ljósmyndir: Lovísa Ásbjörnsdóttir