NordForsk: Styrkir norræns vísindasamstarfs

22.08.2014

Í ljósi aukins mikilvægis norræns vísindasamstarfs og komu framkvæmdastjóra NordForsk til landsins hefur Rannís í samvinnu við NordForsk ákveðið að slá upp stuttum kynningarfundi þar sem fjallað verður um styrkjamöguleika á vegum NordForsk og mikilvægi norræns vísindasamstarfs. Einnig verður kynning á NORDRESS, nýju Öndvegissetri á náttúruvá og öryggi samfélaga en setrið er leitt af Íslendingum og hlaut nýlega 420 milljóna rannsóknastyrk frá NordForsk.

Kynningin verður haldin að Grand Hótel, Reykjavík Háteigi B – miðvikudaginn 27. ágúst kl. 12.00 – 13.30
Þátttakendur eru vinsamlegast beðnir um að skrá sig hér. 

Dagskrá

1)    Mikilvægi norræns vísindasamstarfs.
-    Guðrún Nordal, formaður vísindanefndar V&T og stjórnarmeðlimur NordForsk. 
2)    Styrkjamöguleikar á vegum NordForsk.   
-     Gunnel Gustafsson, framkvæmdastjóri NordForsk.
3)    NORDRESS  -  Kynning á nýju Öndvegissetri um náttúruvá og öryggi samfélaga, sem styrkt er af Nordforsk. 
-    Guðrún Gísladóttir, prófessor / Guðrún Pétursdóttir, framkvæmdastjóri Stofnunar Sæmundar fróða.
4)    Fyrirspurnir og umræður.

Fundarstjóri:   Hallgrímur Jónasson, forstöðumaður Rannís.