Frá upphafi árs 2018 hefur Þekkingarsetur Vestmannaeyja staðið fyrir mánaðarlegum erindum um sjávarútveg.  Erindin hafa bæði farið fram í Þekkingarsetrinu og á Zoom.  Erindin á Zoom hafa verið öllum opin. Þegar erindin hafa verið haldin í Þekkingarsetrinu er um 150 manns boðin þátttaka. Allt efni erindinna er aðgengilegt á þessari síðu.  Myndupptaka, myndir, frétt og glærur sem notaðar eru.  Erindið sjálft stendur yfir frá kl. 12 – 13.  70 manns hafa verið að mæta þegar mest er og gríðarlega jákvæð viðbrögð.

Erindin eru mjög fjölbreytt og eiga erindi við fjölbreyttan hóp fólks sem starfar í sjávarútvegi og tengdum greinum.  Markmiðið með þessum erindum okkar er að hrista fólk í sjávarútvegi saman og draga fram áhugaverða hluti sem tengjast sjávarútvegi, þannig að fólk taki eitthvað nýtt með sér af erindunum.  Í senn er þetta umræðu-, félags- og fræðsluvettvangur. Í heildina hafa farið fram 24 sjávarútvegserindi sem öll eru aðgengileg hér að neðan.